【歌名：返教會啦｜係咁先啦~教會版】

歌詞：

喂 8點幾啦 仲唔起身 快啲返教會啦

起身啦 返教會啦 一齊讚美吖
聽道啦 咪訓著覺 攞埋祝福先吖
起身啦 番教會啦 一齊讚美吖
奉獻啦 下次見啦 有聖餐既話

見大家都返到咁上下 望吓隻錶嘩 已經十二點幾呀
準備起身 你地拉住我 話我返唔夠 夾硬圍住我傳教
你哋唔明我幾憎唱「陪住祢走」 依家唔走 係咪要唱「主能夠」
要屬靈就夾首「 主我跟祢走」 但普通話 我硬係唱甩口

喂 唔係呀 喂 真係走音呀
唔係呀 喂呀 真係唔識唱呀
喂 唔係呀 喂 真係無feel呀
唔係呀 喂呀 真係唔啱音呀

係 係弟兄姊妹 咁點呀 唔好聽 唔係 好聽 但都係唔想唱呀
唔喺喺喺 你…你聽我講 聽我講 真係唱唔落呀
（即刻諗道理唔畀你再說教 即刻諗道理唔畀你再說教）

唱歌好怕醜 咪無膽唱出口 夾band唔講究 咪唱到一舊舊

起身啦 返教會啦 一齊讚美吖
聽道啦 咪訓著覺 攞埋祝福先吖
起身啦 返教會啦 一齊讚美吖
奉獻啦 下次見啦 有聖餐既話

握完d手 我衝落樓 走嘅時候有少少內疚
係咪無咁好靈命 係咪消滅咗聖靈 務要成聖 我唔係幾咁明
教會無左我無獻金 就係留住我既原因
其實教會合一先係最緊要 我應該返去聽分享到聽朝

喂 係呀 我返黎啦 係啊 喂 有無記念我
喂 係啊 我地祈個禱先呀 吓 咩話 你話轉頭先呀
吓 佢地頭先 唔係 係咁留住我既咩
點 點解 依家咁多小圈子 無人關心我既

來讓我跟祢走 全然順服永生享有
如無認罪就收吓口 無畏見證遭數臭
求讓祢差我走 行為活現祢的拯救
無畏要我找借口 不如誠實吧看聖經不夠

起身啦 返教會啦 一齊讚美吖 (Dunamai)
聽道啦 咪訓著覺 攞埋祝福先吖 (Worship)
起身啦 返教會啦 一齊讚美吖 (Latreia)
奉獻啦 下次見啦 有聖餐既話 (敬拜)